BUTUAN CITY – Subling gipamatud-an ni Pinoy ring icon Manny Pacquiao nga dili babag ang edad sa pagbalik sa kalibutan sa boxing tungod kay bisan pa man sa upat ka tuig nga pagpahulay, na-apil siya pag-usab sa WBC welterweight rankings karong Agosto 2025.
Ang iyang pinaka-ulahing away kang Mario Barrios sa Las Vegas niadtong Hulyo 19, 2025, nga natapos sa draw, nakatabang sa iyang pagbalik sa ranking human usab siya nakapasar sa tanang gikinahanglang medical tests ug drug screening sa WBC Clean Boxing Program.
Sumala sa WBC, angayan lang nga i-apil pag-usab sa listahan si Pacman tungod sa iyang maayong record rason sa tumang kalipay sa Pinoy ring champion ilabing nga alang kaniya, dili lang kini basta nga pagbalik, kundili pamatuod usab nga ang kasing-kasing sa usa ka kamyeon dili gayod mawala.
