BUTUAN CITY – Wala maka-ipsot ang usa ka manikyurista human kini nasapon nga nagpalusot og ilegal nga druga sa Butuan City Jail Management and Penology atol sa iyang pagbisita sa iyang bana sulod sa Butuan City Police Station 3.
Nakuha gikan sa bilahan sa 36-anyos nga ginang nga si alyas Aiza, residente sa Purok 1-A, Brgy De Oro ning siyudad sa Butuan ang usa ka sachet sa gududahang shabu nga mitimbang og 5-gramo ingon man ang usa ka linikit nga tabako.
Ang maong mga epektos iyang gisulod sa usa ka condom dayon sa iyang bilahan, kansa wala maka-ipsot sa nag-inspeksyon kaniya ug sa iyang mga dala.
Nasayran nga miduaw kini sa iyang bana nga niadto pang tuig 2023 napriso tungod gihapon sa paglapas sa Republic Act 9165 kon mas nailang Dangerous Drugs Act of 2002.
