BUTUAN CITY – Gitambagan karon sa National Bureau of Investigation (NBI) si suspended Bamban, Tarlac Mayor Alice Guo nga musurender na karong gilusad na ang manhunt operation batuk kaniya.
Sigon ni NBI Director Jimmy Santiago, gipangita na sa iyang mga sakop si Guo human wala mutambong sa pagdungog sa Senado. Mahimo matud pang muhangyo ug muduol si Guo sa Senado aron hapsay ang pag-atiman kaniya.
Samtang gipaniguro usab sa Philippine National Police (PNP) nga padayon ang ilang pagpangita sa suspendidong mayor. Sigon ni PNP Public Information Office chief ug spokesperson Col. Jean Fajardo, daw nagbahad na si Senate President Pro Tempore Jinggoy Estrada nga posibleng ma-apektuhan ang ilang budget ug sa NBI kung kung mapakyas sila pagdakop kang Guo sulod sa usa ka buwan.
