BUTUAN CITY – Palambuon sa lokal nga kagamhanan ning siyudad sa Butuan ang pagpadaghan sa mangrove nga anaa sa mangrove areas sa Barangay Lumbocan.
Kini pinaagi sa pagpananom na usab og mga mangroves karong Hulyo human nakita sa mga personahe sa City Agriculturist Office, apil na sa Bureau of Fisheries and Aquatic Resources kon BFAR, mga opisyal sa Barangay ug mga mananagat nga duna pa’y mga bakanteng luna sa lugar diin kinahanglan tamnan niini.
Nasayrang ang mangrove magsilbing maoy magprotekta sa katawhang nagpuyo kilid sa dagat gikan sa storm surges higayong duna’y kusog nga bagyo ingon man pagbaha ug uban pang kalamidad.
Gihingusgan karon sa LGU ang mangrove rehabilitation project nga maoy magpalig-on ug magpalambo sa coastal area sa Brgy. Lumbocan.
