BUTUAN CITY – Gisugyot ni Gabriela Party-list Rep. Arlene Brosas ngadto kang Presidente Ferdinand “Bongbong Marcos Jr. nga kinahanglan dunay special break sa mga trabahante sa tanang sector sa Pilipinas karong grabi nga kainit na ang nasinatian sa nasod.
Sumala sa mambabalaod nga kinahanglang mo-isyu gilayon si Presidente Marcos og executive order nga kansa magsugyot sa gitawag niini nga Heat Breaks, ingon man lain pang mga gikinahanglang safety measures sa panahon sa ting-init. Sumala niini nga tungod sa nagkataas nga temperatura sa Pilipinas, nag-anam na usab matud pa og saka ang risgo sa mga trabahante kansa nagbutang kanila sa piligro sa mga heat-related illnesses.
Kahinumdumang nag isyu na ang Department of Labor and Employment (DOLE) ning nakalabayng tuig og Labor Advisory No. 8 kansa nagtumong nga mahatagan og guidelines ang mga kompanya sa gikaingong extreme heat situations. Gilangkuban kini sa rest breaks, temperature-appropriate uniforms, ingon man personal protective equipment, lakip na usab ang libreng tubig-mainum alang sa mga empleyado.
Apan gawas niini, gipunto ni Brosas nga nagkulang gihapon ang maong balaod sa pagcover sa tanang empleyado sa nasod, rason nga gikinahanglan na matud pa nga mohimo na og lakang si Presidente Marcos mahitungod sa nasangpit nga hisgutanan.
