BUTUAN CITY – Pabilin pang missing ang mangingisdang si Porferio Najial, 45-anyos, residente sa Bacuag, Surigao del Norte human kini nahulog gikan sa gisakyan niyang pumboat samtang nanagat sa kadagatan sa maong lungsod.
Migawas sa imbestigasyon sa kapulisan nga pasado alas-tres sa kaadlawon niadto pang Sabado, Mayo 29, nanagat ang biktima uban sa usa ka John John Lacano, 16-anyos ug residente sa susamang lungsod.
Base sa saysay ni Lacano, miyamar matud pa og uhaw ang biktima pasado alas-siete na sa buntag ug tungod kay wala’y dala nilang tubig, misulay kini pagtuwad aron unta mu-inom sa tubig-bagat apan nahulog kini sa pumpboat.
Dinhi na matud pa siya naratol ilabina nga dili siya makamaong mulangoy rason nga dali niya kining gipahibalo ngadto sa pamilya sa biktima human nalabyan sa usa ka motorized pumpboat.
Unom gilayon ka mga pumpboats ang naglusad og search and rescue (SAR) operation apan wala na kini mapalgi rason nga gihunong na ang operasyon ning mi-aging adlaw.
Nasuta pa nga duna’y hypertension ang biktima nga gitu-uhan sa iyang pamilya nga maoy hinungdan sa kalit niining pagkahulog sa dagat.
