BUTUAN CITY – Malampusong na-rescue sa Philippine Coast Guard (PCG) ang usa ka mananagat sa mitiklaob nga motorbanca sa bisinidad sa kadagatan sa Subic, Zambales, niadtong Domingo, 29 December 2024.
Samtang padulong sa Bajo de Masinloc, ang BRP Suluan (MRRV-4406) mihimo og search and rescue (SAR) operations human nakadawat og tawag gikan sa Coast Guard Station (CGS) Zambales mahitungod sa tulo ka missing ka mananagat sa gamay nga bangka nga mitiklaob tungod sa nabuak nga outrigger.
Naila ang na-rescue nga 54-anyos nga si Lindo Sumalilo, residente sa Barangay Calapandayan, Subic, Zambales.
Apan missing pa ang iyang duha ka kauban nga sila Limoot, 54-anyos og 40-anyos nga si Mr. Tabios.
Nabira na sa BRP Suluan (MRRV-4406) ang natiklaob nga bangka ngadto sa Subic samtang ang PCG padayon sa ilang pagpangeta sa duha ka mananagat.
