BUTUAN CITY – — Patay ang upat ka mga indibidwal sa ngilngig ug misteryusong pagpamusil didto sa Lancaster, California, apil na ang duha ka managsoong Filipino nga sila Janvi Maquindang ug Christine Asa-Ac apil ang iyang fiancé nga si Edwin Garcia, uban sa tulo nila ka mga iro.
Gideklarang patay ang tulo sa dapit nga nahitabuan samtang ang partner ni Maquindang nga si Matthew Montebello, didto na namatay sa ospital.
Miresponde gilayon ang mga pulis pasado ala-1:00 sa kaadlawon sa Sabado, oras sa California ug wala pa’y nasikop ang kapulisan samtang padayon pang gisuta ang motibo sa kremin.
Nasayrang si Asa-Ac maoy legal guardian sa duha ka managsoon nga anaa sa balay sa managsoon dihang natigayon ang pagpausil.
Nasayrang ang Maquindang family nagmuga og GoFundMe page aron matabangan sila sa ilang balayrunon ug pag-atiman sa lain pang mga igsoon sa duruha nga nakakita sa maong insidente.
