BUTUAN CITY – Tingkagol sa bilangguan ang usa ka lalaki sa Lapu-Lapu City sa Cebu human gisumbong nga gilugos niini ang duha ka managsoong dalagita nga apo sa iyang ka-ipon.
Migawas sa imbestigasyon nga unang gihilabtan sa suspetsadong gitago lang sa pangalang Boloy ang biktimang si alyas Loisa niadtong 8-anyos pa lang siya ug wala niya kini masumbong gilayon tungod sa bahad sa suspetsado hinungdan nga unom ka tuig siyang gikunsumo ug ang pinaka-ulahi, nahitabo niadto lang Enero 9 karong tuiga ug dinhi na siya mikurso pagsumbong sa iyang amahan tungod kay dili na niya ma-antos pa ang tanan.
Dihang gikuha na sila sa ilang amahan, dinhi na usab nabulabog nga gikunsumo usab sa suspetsado ang maguwang ni Loisa nga si alyas Elisa, sulod usab sa duha ka tuig rason nga daling gipadakop ang suspetsado kinsa hugtanon pang nanghimakak sa maong mga alegasyon.
