BUTUAN CITY – Patay nang naka-abot sa ospital ang duha ka managsoon human napaslak sa kasugat nilang 10-wheeler truck ang ilang gisakyang motorsiklo sa may Purok 2, Brgy. Soriano, Cabadbaran City, lalawigan sa Agusan del Norte.
Naila ang mga biktima nga sila Rico ug Marie Asenerio, parehong residente sa Purok 1, Brgy. Cabinet, Cabadbaran City samtang ang driver sa 10-wheeler truck nailang si Wendel Oraño, 29 anyos, ulitawo, ug residente sa Purok 4, Brgy. Babag, Moncayo, Davao de Oro.
Migawas sa imbestigasyon nga padulong sa direksyon sa Butuan City ang mga biktima apan tungod sa kadanlog sa dalan hatud sa pag-uwan, wala makontrola sa driver sa motorsiko ang manibela rason nga mitipas kini sa pikas lane nga gi-agihan sa ilang kasugat nga trak hinungdqan sa ilang pagkapaslak sa ilalom.
Gikostudiya sa Cabadbaran City Police Station ang driver sa trak ug gi-andam na ang mga dokumento ug kasong ipasaka batuk kaniya.
