BUTUAN CITY – Padayon misikat karon sa social media ang modernong kahimanan nga nailhang Kissenger kon Kiss Messenger nga alang sa nagminahalay nga anaa sa Long Distance Relationship kon (LDR).
Girekomendar ang maong kahimanan alang sa mga Asawa ug Bana nga lagyo sa usag-usa og dili matintal sa uban, ug gamit lang ang cellphone sama na nga anaa siya sa imong tapad samtang nakig-kiss.
Ang maong device gi-developed sa mga researchers gikan sa City University of London sa pakig-alayon sa Imagineering Institute niadtong 2016. Gipangunahan ang proyekto ni researcher Emma Yann Zhang, kansa specialized sa human-computer interaction.
Ang Kissenger gi-attached sa smartphone og dunay soft silicone pads nga dunay pressure sensors og actuators. Ugaling i-pressed ang lips sa maong pad, sukdon sa device ang puwersa, lihok og kadugayon.
Ang maong data e-transmit pinaagi sa app in real time ngadto sa parehong device nga gihawiran sa imung partner diin dunay Tiny motors nga magmugna og pressure pattern.
Bisan ug napahibalo kini sa publiko niadtong 2016 og misikat, apan giklaro sa mga siyentista nga dili lapad ang pagbaligya niini tungod kay anaa pa kini sa demonstration stage.
Sumala pa sa pagtuon anaa sa 65% nga mga magtiayon nga lagyo sa usag-usa natintal sa lain alang sa lawasnong kalipay ug anaa lang sa 35% ang adunay kahadlok nga maguba ang ilang relasyon ug adunay pagsalig sa usag-usa.
Apan tungod sa maong kahimanan nadugangan ug 15% ang ihap sa magtiayon nga dili na mabodhi-on sa ilang mga partner, ug sagad nag ingon nga mas kontento na sila sa pakigtulip gamit ang cellphone samtang nakig video call sa ilang partner gamit ang kiss messenger.
