BUTUAN CITY – Himas rehas ang manager sa usa ka hotel ning siyudad sa Butuan human nasikop sa buybust operation kagahapon sa alas 3:30 sa hapon sa mayt San Pedro, Montilla Boulevard sa may Barangay San Ignacio.
Naila ang suspetsado nga si Bench Rey Puyat Enriquez, 28-anyos, olitawo ug residente sa maong barangay.
Gipahigayon ang anti-illegal drug operation sa Philippine drug Enforcement Agency kon PDEA-Caraga.
Padulong na unta sa trabaho ang suspetsado sa dihang gisugat kini sa poseur-buyer sa buhatan.
Positibong napalitan ang suspek ug balor 500 pesos nga gitoohang shabu.
Sa katibuk-an, muabot sa 4 ka sachet sa gitoohang shabu ang nakumpiska sa posisyon sa suspetsado.
Apan hugot nga gihimakak sa nadakpang manager nga siya nagpayuhot sa ginadiling drugas samtang gisuportahan usab kini ni Barangay Szan Ignacio Kapitan Jocelyn Amado sa pag-ingong wala nalambigit sa maong illegal nga kalihukan ang manager.
Gibarugan usab sa PDEA-Caraga nga tigpayuhot sa illegal nga drugas ang suspek rason nga ila kining gi-operisyunan.
