-- ADVERTISEMENT --
BUTUAN CITY – Dead-on-the-spot ang manag-uyab human aksidenteng nabanggaan sa gi-over-take-kan nilang dump truck didto sa Brgy. Azpetia, Prosperidad, Agusan del Sur.
Gika-ingong nibuto ang abante nga ligid sa motorsiklo nga gisakyan sa mga biktima. Inisyal nga nasayran nga ang biktima, magtutungha sa North Eastern Mindanao State University (NEMSU) Lianga Campus nga na-ilang sila Johncris Cuizon nga taga-Bayugan City ug Micah Joy Salado nga taga-Esperanza, pulos sakop sa lalawigan sa Agusan del Sur.
Base sa migawas nga dashcam footage sa usa ka netizen, makita nga gikan ni-overtake ang maong motorsiklo ug kalit nga mibuto ang abante nga ligid hinungdan nga nabanggaan kini sa kasunod nga dump truck.
