BUTUAN CITY – Gikabiliban karon sa mga netizens ang fresh graduate nga si Anthony Calinawan, 22-anyos, tubo ug myembro sa Tribong Mamanwa, human migradwar sa kursong Bachelor of Secondary Education Major In Mathematics sa Northern Mindanao Colleges Inc. sa Cabadbaran City, Agusan del Norte.
Saysay ni Anthony, dili lalim ang iyang na-agihan sa pag eskwela sa kolihiyo, ilabi na nga gisabay niini ang pagka-working student, pagka-independente gikan sa ginikanan, pagka iskolar ingon man ang stress sa iyang pag eskwela nga nadugangan pa sa pag-igo sa COVID-19 pandemic.
Apan dako gihapon ang pasalamat niini sa iyang mga classmates sa kolihiyo, sanglit wala man niya nasinatian ang diskreminasyon gikan sa mga niini, hinoon, gidawat pa nila ang iyang pagka-siya kondiin kabanay ang pagtratar kaniya.
Nasayrang si Anthony pa ang una nga nakagradwar og kolihiyo sa ilang pamilya.
