BUTUAN CITY – Nagpahimangno ang World Health Organization kon WHO nga ang malnutrisyon sa Gaza naka-abot na sa alarming level ug padulong na sa dangerous trajectory bisan og nagpadayon ang aid airdrops sa rehiyon.
Nakigduyog ang Jordan sa United Arab Emirates ug nagbubo og 25 toneladang tabang ngadto sa Gaza niadtong Domingo, human mopahibalo ang Israel og “tactical pause” sa ilang gubat.
Gisaad sa Israel nga mopahunong sila sa operasyon sulod sa 10 ka oras kada-adlaw sa pipila ka parte sa Gaza aron pasudlon ang United Nations kon UN aid convoys.
Gipasabot nilang buhaton kini aron gub-on angakusasyon nga ilang gigutom ang mga tawo apan gi-akusahan sila sa Hamas nga naglimpyo lang sa ilang imahe.
Gikompirma ni UN aid chief Tom Fletcher nga nagkagamay ang gawasnong paglihok sa mga aid convoys samtang sobra sa 100 ka truckloads sa hinabang na ang nakuha gikan sa mga border crossings.
