BUTUAN CITY – Giklaro ni Ombudsman Jesus Crispin Remulla nga dili sa panahon ni Pangulong Ferdinand Marcos Jr nahitabo ang maleta delivery ngadto sa mga opisyal sa gobyerno.
Sa gihimong press conference kaganinang hapon, nakadawat siya og report gikan sa kasaligang personalidad ug usa matud pa sa mga huglagway nga gipakita sa mga nagpa-ilang 18 ka marines diha sa ilang joint affidavit, kuha panahon ni kanhi House Speaker Lord Allan Velasco.
May kalabutan kini sa kontrobersyal nga maleta deliveries nga ilang gihimo ngadto sa mga magbabalaud ug uban pang opisyal sa gobyerno nga gika-ingong duna’y sulod nga bilyunes pisos nga kwarta.
Alayon niini, gipadayag ni Remulla nga gipakita lang matud pa ang manipulasyon sa pamahayag sa maong grupo tungod kay giduwaan matud pa nila ang timeline sa mga panghitabo nga natigayon sa panahon matud pa sa Duterte administration.
Gidugang pa niini nga usa lamang kini sa mga pictures nga gi-attach sa joint affidavit sa ex-marines apan dili buot ipasabot nga ang uban pang hulagway ka-uban sa gika-ingong maleta deliveries adiser milingkod ang kasamtangang pangulo niadtong tuig 2022 hinungdan nga makonsiderang sa panahon pa ni Duterte natigayon ang maong mga deliveries.
