BUTUAN CITY – Mitala og record ang pangulo sa Maldives nga si President Mohamed Muizzu human nagpahigayon og 14 ka oras ug 54-minutos nga marathon press conference.
Gi-ila kining pinakadugay nga press conference human niya nalabwan ang gihimong 14 oras nga presscon ni Ukrainian President Volodymyr Zelensky niadtong Oktubre 2019 kansa milabaw usab sa pito ka oras nga oras press conference ni Alexander Lukashenko.
Ang maong press conference, gihimo dungan sa pagsa-ulog sa World Press Freedom Day kondiin gidayeg niya ang nahimong papel sa mga tigbalita sa nasangpit nga nasud.
Kapin sa 20 ka mga tigbalita ang misalmot sa press conference kondiin ubay-ubay nga mga pangutana ang gitubag sa pangulo.
Niadtong 2009, mitala usab og record ang kanhi pangulo sa Maldives nga si Mohamed Nasheed human mihimo og underwater cabinet meeting sa Indian Ocean aron pamatud-an ang hulga sa pagtaas sa level sa dagat.
