BUTUAN CITY – Gibabagan sa Bureau of Immigration (BI) sa Ninoy Aquino International Airport (NAIA) ang tulo ka mga Malaysian nationals nga miyembro matud pa sa Kingdom of Jesus Christ kansa mosulod untana sa Pilipinas.
Ningabot ang tulo sa Pilipinas kauban ang grupo sa mga Pilipino niadtung Agosto 27, gikan sa Kuala Lumpur apan gibilin nalang sa mga kaubanan human gi-refer kini para sa immigration inspection. Naila ang maong mga indibidwal nga sila si Jessica Lynn Henry, Mimielianna Annie Anak Leesoi, ingon man si Andrijosebaul Anak Garra.
Sumala ni BI Commissioner Norman Tansingco, nadiskubre sa Immigration officers nga plano matud pa sa mga niini nga mohimo og anti-government demonstration kauban pa ang ubang mga taga sunod sa puganteng pastor nga si Apollo Quiboloy taliwala pa man sa manhunt operations sa mga awtoridad kang Quiboloy ug sa uban pa niining upat ka mga akusado. Sumala sa upat ka mga Malaysian nationals, giimbitar daw daw sila sa Davao City Kingdom of Jesus Christ kon KOJC apan wala kini mapakita nga financial capacity para suportahan ang ilahang pag-nganhi sa Pilipinas, ilabi nga nga giangkon pa sa mga niini nga wala silay trabaho.
Nakitaan usab ang usa kanila og screenshot nga dunay mga anti-government slogan, sama sa “BBM Resign,” “Stop KOJC Injustices,” ingon man “AFP/PNP Protect the People.”
Dihang gipangutana mahitungod sa screenshot, gikataho sa maong pasahero nga aksidente niyang na-download ang mga slogan gikan sa iyahang social media account. Kasamtanan karong naka-immigration blacklist ang tulo ka mga Malaysian ug gibawalan nga makasulod pa sa Pilipinas.
