BUTUAN CITY – Dunay pagduha-duha ang Palasyo sa Malakanyang sa hisgutanang dawaton ba sa Pilipinas ang temporaryong kagawasan o interim release ni Kanhi Pangulong Rodrig Duterte ugaling aprubahan sa International Criminal Court ang mosyon alang niini.
Nasayrang base sa pamahayag sa International Criminal Court (ICC) nga nakadepende ang posibilidad sa interim release o temporaryong kagawasan og temporaryong pag-uli sa Pilipinas ni kanhe Pangulong Rodrigo Duterte sa mahimong desisyon sa gobyerno sa Pilipinas.
Gipunto ni ICC spokesman Fadi El Abdallah nga kinahanglan unang dawaton sa Pilipinas ang technical measures ug mga kondisyon para makadisesyon ang ICC judges kung uyunan ang hangyu sa kanhe Pangulo para sa interim release.
Pasabot sa ICC official nga mamahimong mohangyu og interim release kung dunay nakalatag nga measures ug mga kondisyon para maseguro nga dili mahitabo ang mga niini sa oras nga buhian ang usa ka giakusahang indibidwal ug subling moatubang kini sa korte kung emandu sa mga hukom.
Apan sumala ni Palace Press Officer Undersecretary Atty. Claire Castro lisud nga ipahayag nga makig-cooperate sa ICC pag-abot sa interim release tungod kay ang tanang isyu ma-ablihan niini.
Lakip na niini ang hurisdiksiyon sa ICC sa Pilipinas nga gi-kuwestiyon mismo sa pamilyang Duterte. Pangutana pa ni Castro sa mga Duterte kung makig-alayon ba ang Pilipinas sa ICC ugaling makabaton og freeze order sa asset sa kanhi Pangulo.
Si Palace Press Officer Undersecretary Atty. Claire Castro.
