BUTUAN CITY – Hugot nga gilimod sa Malacañang pinaagi ni Palace Press Officer Claire Castro ang mga hugon-hugon nga nasakop na matud pa sa China ang Sandy Cay, ang isla duol sa PAGASA island sa West Philippine Sea.
Sumala pa ni Under Secretary Castro nga ningbisita kagahapong adlawa ang Inter-agency Maritime Operation sa maong isla isip kabahin sa routine exercise. Kini partikular na sa PAGASA Cay 1, 2, ug 3.
Ingon man sa mga nakapalibot niini nga mga lugar. Ninggawas matud pa sa maong lakang nga dili tinood nga nagkabot na ang China sa teritoryo nga iya sa Pilipinas.
Sigon usab ni Castro nga dihang nagkahinabi sila National Security Council Deputy Director General Jonathan Malaya, gikalro matud pang dili tinood ang mga ning tumaw nga mga balita.
