BUTUAN CITY – Dako ang kahibulong sa Palasyo Malacañang kung nganong daghan pa ang mga nakasinati og kagutom sa Pilipinas, kini taliwala pa man sa daghan na matud pang mga pantawid-gutom nga mga prorgrama sa Department of Social Welfare and Development kon DSWD.
Ang maong pamahayag, gipagawas human sa taho sa Social Weather Station (SWS) nga nanaghan matud pa ang mga Pilipino nga nakasinati og kagutom.
Sigon ni Palace Press Officer Atty. Claire Castro nga kinahanglan pa nilang tun-an ang nasangppit nga survey tungod kay segurado man kini nga daghan na matud pang mga programa sa DSWD ang gimugna alang sa mga kabos nga Pilipino.
Lakip sa mga gikunsidera ni Castro ang mga programang sama sa food stamp diin nag hatag og 3-mil matag bulan sa mga pobreng pamilya, ingon man ang Walang Gutom Kitchen kansa naghatag og libreng pagkaon sa mga pamilya nga anaa sa kalsada sa Pasay City, ingon man ang Kusinero Cook-Off Challenge ug uban pa.
