BUTUAN CITY – Gitambungan sa mga opisyal ug mga sakop sa Police Regional Office o PRO-13 Press Corps (kor) ang online consultative forum nga, ‘The War on Truth,’ ug ang paglusad sa Joint Anti-Fake News Action Committee kon JAFNAC kagahapon.
Ang aktibidad nga gilusad sa PNP Multi-Purpose Center sa Camp Crame ug online na gitambungan sa mga pulis sa tibuok nasud, nagtinguhang masabtan ang disinformation, misinformation ug mal-information.
Sigon ni PRO-13 regional director PBGen Christopher Abrahano, kinahanglang balikan kanunay ang prescribed method sa pagbatuk sa mga fake news pinaagi sa pagpakaylap sa kamatu-uran uban sa tabang sa mga mainstream media sama sa Bombo Radyo.
Kini usab ang iyang imando sa iyang mga provincial directors hangtud sa lower units aron kung duna’y mugawas nga fake news nga mahimong malambigit sa kapulisan, magpagawas gilayon sila og impormasyong mukontra niini.
Gidugang pa sa heneral nga ang anti-fake news advocacy, dili lang kini karon nga eleksyon tungod kay magpadayon kini sama sa uban nilang programa bauk sa kriminalidad.
Sakto matud pa ang pagmugna sa task force batuk sa fake news ilabina karon nga election time aron mabatukan ang mukaylap nga mga disinformation, misinformation ug mal-informations.
