BUTUAN CITY – Padayon karon ang halawom nga imbestigasyon sa Loreto Municipal Station aron masayran ang kinatibuk-ang storya human bukog nalang nga napalgan ang usa ka magtutudlo sa Loreto Agusan del Sur diin pila ka semana kining na-missing.
Napalgan ang patayng lawas ni Cynthia Gener Dubluis 26 anyos, dalaga ug magtutudto sa Paciencia Elementary School sa Brgy. San Vicente, Loreto, Agusan del Sur kagahapong adlawa sa hapon Peberero 1.
Subay sa report , mitaho gilayon sa Loreto MPS si San Vicente Barangay Captain Esmeraldo human duna kini nakt-ang patayng lawas samtang anaa kini sa iyang Palm Oil Farm.
Positibo nga gi-ila ang biktima sa mga kabanay niini base na usab sa gisuot niini adtong adlaw nga katapusan kininng nakita.
Narekober sa mga otoridad ang usa ka kutsilyo nga nakita sa crime scene.
Kahinumduman, adtong Enero 16, 2020 dihang gikataho nga na-missing ang magtutudlo kansa naghanyag pa ang Lokal nga kagamhanan sa Loreto og 100,000 nga reward sa bisan kinsa nga makatudlo o makahatag impormasyon kang Dubluis.
