BUTUAN CITY – Padayon karun ang lawom nga imbestigasyon aron masuta ang motibo og mailhan ang suspetsado sa pagpamusil kagahapon sa alas 6:00 sa buntag sa may Crossing Cuevas, Trento, Agusan del Sur nga mikutlo sa kinabuhi sa usa ka magtutudlo.
Naila ang biktima nga si Carl Anthony Espinosa Tejones, 32-anyos nga residente sa P-14 Algon, Trento, Agusan del Sur kansa magtutudlo sa Novele National High School, Brgy. Novele, Rosario, Agusan del Sur.
Sa impormasyong nakuha gikan sa kapulisan, nga sakay sa usa ka ALMERA Nissan nga dunay plaka numero LAJ 1774 ang biktima sa dihang kini gipusil sa wala mailang suspetsado. Base sa nakasaksi, duna matud pay nahitabong panaglalis adiser ang pagpamusil.
Naigo sa liog ang biktima nga daling gidala sa Valentina Galido Plaza Memorial Hospital apan gideklara kining Dead on arrival sa attending physician.
Sa pagpanubay sa kapulisan, gibilin sa mga suspek ang gisakyan nilang single motor nga kulay itom sa unahan nga bahin sa nahitaboang pagpamusil nga gitoohang maoy gigamit sa ilang pagsibat sa wala matinong direksiyon.
