BUTUAN CITY – Patay ang magtiayon human nahagbong ang gisakyan niining bao-bao sa may pangpang sa Bypass Road, Purok-1, Sta. Ana, Barangay Casisang, Malaybalay City pasado alas 4 sa hapon niadtong Sabado, Pebrero 15.
Gimanihuan ang maong bao-bao sa bana nga nag-edad og 38 anyos, sakay ang kapikas niining 36 anyos.
Sumala imbistigasyon nga gikan sa ilang trabahoan sa DOLE Plantation nga nahimutang sa Sitio Gabunan, Brgy. Casisang ang magiayon, ug pauli na untana sa ilahang panimalay.
Pag-abot sa lugar, partikular sa palugsong ug kurbadahong bahin sa kadalanan, kalit nalang nawad-an og kontrol ang driver hinungdan sa disgrasya.
Dunay 11 metros ang kalawmon sa maong pangpang, hinungdang nakahiagom og serious injuries sa kalawasan ang mga biktima.
Gilayong gidala sa Bukidnon Provincial Medical Center ang mga biktima apan walay swerteng nakabsan sila sa kinabuhi.
