BUTUAN CITY – Padayon pang gipangita ang usa ka ginang human natabunan sa midahiling yuta ka-uban ang iyang bana didto sa Sitio Sampinit, Brgy. Maitom, Tandag City, Surigao del Sur tungod sa padayong pag ulan.
Narekober na sa mga rescuers ang bana sa gihimong search and rescue operation gamit ang heavy equipment sa usa ka Construction Company.
Madumduman nga gideklara ang orange rainfull alert sa lalawigan sa Surigao del Sur kagahapon tungod sa padayong pag ulan sa maong area.
Nabahaan usab ang pipila ka mga barangay sa maong siyudad sama sa Brgy. Wasian diin hapit nang mu-abot sa tulay ang tubig-baha.
Apil sa mga nabahaan ang Brgy. Tambis ug Javier sa lungsod sa Barobo kondiin hapit nang milapaw sa ilang foot bridge ang tubig baha samtang gipa-alerto na usab sa lokal nga kagamhanan sa lungsod sa Cantilan ang ilang mga tawo nga muhikling na ilabina kadtong anaa sa mga landslide ug flood-prone areas alang sa ilang kaluwasan.
