BUTUAN CITY – Wala’y natalang damyos o kaha namugnang casualty sa magnitude 6.1 nga linog nga mitay-og sa lungsod sa Bayabas, Surigao del Sur kaganinang alas-6:13 sa buntag kansa duna’y giladmong 77-kilometros ug tectonic ang gigikanan.
Sa eksklusibong interview sa Bombo Radyo Butuan, gipadayag ni PCaptain Cesar Yalugo, hepe sa Bayabas Municipal Police Station, wala kaayo nila mabati ang maong pagtay-og nga mi-abot lang sa magnitude 3.1 ang gikusgon.
Nasayrang regular nga nagpahigayon og earthquake drill ang ilang buhatan uban sa Municipal Disaster Risk Reduction and Management Office kon MDRRMO aron makat-on ang mga tawo higayong duna’y mu-igo kanilang natural nga kalamidad sama sa linog.
Samtang sa nagpadayong kampanya kontra COVID-19, gipadayag ni Captain Yalugo nga padayon ang ilang pagpanikop sa mga malapason sa mga health protocols kondiin duna’y ilang ipang-isyu nga citation tickets base na usab gipagawas nga ordinansa sa ilang lokal nga kagamhanan.
