BUTUAN CITY – Padayon pang gisuta ang posibleng damyos human gitay-og sa mangitude 5.8 nga linog kaganinang alas-2:06 sa hapon ang lungsod sa Hinatuan, Surigao del Sur.
Base sa earthquake bulletin sa Philippine Institute of Volcanology and Seismology kon PHIVOLCS, mi-igo ang linog nga tectonic in origin sa gilay-ong 34-kilometros sa amihanang bahin sa maong lukngsod nga duna’y giladmong 45-kilometros.
Tungod niini, nabati ang intensity III sa Bislig City sa Surigao del Sur; intensity II usab sa Gingoog City sa Misamis Oriental; intensity 1 sa Surigao City; Cagayan de Oro City; Kidapwan Cityug sa Tupi, South Cotabato apil na sa mga lungsod sa Malungon ug Alabel sa Sarangani Province.
Gila-uman usab nga masundan pa kini sa mga aftershocks.
Apan adiser niini, una nang gitay-og sa magnitude 2.3 nga linog usab ang maong lungsod kaganinang ala-1:17 sa hapon nga duna’y gilay-ong 60-kilometros sa amihanang bahin gihapon sa maong lungsod nga duna’y giladmong 33 kilometros ug tectonic gihapon ang gigikanan.
