BUTUAN CITY – Gikumpirma ni Mayor Melchor Demegilio nga wala’y natalang damyos ang magnitude 5.3 nga linog nga mitay-og kagabii sa ilang lungsod sa Talacogon, Agusan del Sur.
Sa eksklusibong pakighinabi sa Bombo Radyo Butuan, gibutyag sa mayor nga kini human nasusi sa ilang gipangkatag nga mga inspectors aron susihon ang mga public ug private infrastructures human sa linog. Ning adlawa ilang gihimo ang rapid disaster analysis assessment aron masiguro gayod kung unsa ra ang nabilin nga damyos sa maong linog.
Apan sa inisyal nga report nga gipa-abot kaniya sa ilang Municipal Disaster Risk Reduction and Management Office kon MDRRMO, wala’y natalang dagkong damyos ang maong pagtay-og.
Tungod kay medyo kusog ang pagtay-og, lauman matud pa sa katawhan ang sunod-sunod unya nga mga aftershocks. Nasayod na usab matud pa ang ilang mga constituents kung unsa ang angayang buhaton ilabina nga duna sila’y nagtunhay nga alarm system.
