Magnitude 4 nga aftershock, subling nagpa-panic sa mga residente sa Surigao City

BUTUAN CITY – Subling nag-panic og naninggit ang mga residente sa Surigao City kaganinang hapon dihang subling gitay-og ang maong siyudad sa magnitude 4 nga aftershock human ang magnitude 6.7 nga linog kagabii.

Sigon ni Daphne Agonia ng PhiVolcs-Surigao, pasado alas-5:12 kaganinang hapon dihang nabati ang kusog nga aftershock nga usa lang sa kapin usa ka gatus na ang natala sa ilang buhatan.

Ugma, ipadayon sa ilang mga sakop ang assessment sa extent sa damyos nga hatud sa maong linog dungan sa iyang panawagan sa ltanan nga abandonahon na ang ilang pinuy-anan kung kung duna na kini’y dakong liki alang sa ilang kaluwasan. (Beth Ruiz)