BUTUAN CITY – Mi-abot sa P1,096,900 ang kantidad sa gidudahang shabu ang nakumpiska sa mga personahe sa Talomo Police Station gikan sa usa ka high value indivdual kinsa gikonsiderang Top 1 sa regional level ug ka-uban niining babaye nga iya matud pang hinigugma.
Atol kini sa gilusad nga drug buy bust operation sa may GSIS Subdivision, Barangay 74-A, Matina Crossing sa Davao City pasado alas-4 sa kadlawon, kagahapon, Marso 23.
Malampusong napalitan sa poseur buyer og usa ka pakete sa gitu-uhang shabu si alyas Boss, 41-anyos nga taga-Tigatto, Davao City ug kauban niini si alyas Princess, 22-anyos nga taga-Matina Crossing.
Nakuha gikan kanila isip ebidensiya ang buy bust item nga sachet na duna’y sulod nga white crystalline substance, laing duha ka dagkong putos sa gituohang shabu, buy bust money, android cellphone, usa ka pouch, ug usa ka Mitsubishi Mirage Sedan nga gika-ingong gigamit atol sa transaksiyon.
