BUTUAN CITY – Nahulog na sa kamot sa otoridad ang pinangeta sa balaod kansa usa sa mga lider sa Magahat-Bagani nga gitudlong suspetsado sa pagpatay sa mga lumad sa Surigao Sur. Kini human nadakpan si Margarito Layno, gi-alegahang lider sa Magahat-Bagani Force militia, nga maoy gibasol sa pagpatay sa tulo ka lider sa tunghaan og kumunidad sa Surigao del Sur niadtong tuig 2015.
Gi-anunsiyo kini sa Philippine National Police ning rehiyon sa Caraga karung adlawa.
Si Layno, kauban sila Magahat Bagani leaders Bobby og Loloy Tejero, ang gitudlong nangulo sa pagpangatake sa Barangay Diatagon, lungsod sa Lianga nga miresulta sa pagpatay kang Alternative Learning Center for Agriculture and Livelihood Development kon Alcadev school director nga si Emerito Samarca, og tribal leaders nga sila Dionel Campos og Datu Jovello Sinzo.
Ang Magahat-Bagani usa ka anti-communist militia nga gilangkuban sa mga tribong Manobo. Nag-gahin pa ang gobyerno og 3.6-milyones pesos nga patong sa ulo sa mga suspetsado nga pinangeta sa balaod tungod sa kasong multiple murder, arson og grave coercion.
