-- ADVERTISEMENT --
BUTUAN CITY – Padayon ang imbestigasyon sa kapulisan sa Bunawan, Agusan del Sur aron maila ang mga responsable ug matumbok ang motibo sa pagpusil-patay sa gitu-uhang manag-uyab samtang nagbaktas pasado alas-2:20 sa mi-aging hapon didto sa Stone Island, Brgy. Bunawan Brook, sakop sa maong lungsod.
Naila ang mga biktima nga sila Marlon Taguic Tives, 48-anyos, residente sa Sta. Teresa, Buhangin, Davao City, ug Amalia Aringay Curtina, 31-anyos, taga Poblacion 1, Santigao, Agusan del Norte.
Migawas sa inisyal nga imbestigasyon sa sa kapulisan nga samtang nagbaktas ang duha, kalit lang nga mibutho ang wala mailang mga suspek dayong pusil sa managlahing parte sa ilang kalawasan resulta sa hinanaling kamatayon.
