-- ADVERTISEMENT --
BUTUAN CITY – Wala na maka-abot pang buhi sa ospital ang usa ka mag-uuma human kini nakuryentihan samtang nagsakay sa iyang kabaw dihang pa-uli na unta gikan sa iyang umahan sa Brgy. Union, Tinambac, Camarines Sur ning mi-aging adlaw.
Nasayrang pa-uli na unta ang 56-anyos nga si Leonardo Martinez Azaña, residente sa Zone-4, Brgy. San Roque sakop sa maong lungsod, dihang nasangit kini sa nagbitay nga live wire hinungdan sa iyang pagkalagpot.
Dali pa kining gitabang sa iyang anak ug gidala sa Tinambac Infirmary Hospital ang wala nay panimuot nga biktima apan gideklara kining dead-on-arrival.
