BUTUAN CITY – Gikumpirma sa usa ka investor sa Asia Business Corporation RD Flex Trading kon mas kilalang Asia sa Agusan del Sur, nga usa niya ka silingang mag-uuma ang nawad-an na og saktong pangisip human na-ilag og wala na makuha pa ang na-pay in niyang kwarta.
Sa eksklusibong interview sa Bombo Radyo Butuan, gipadayag ni alyas Clara nga residente sa Brgy. New Salem sakop sa Bayugan City sa maong lalawigan, nga gibaligya sa iyang silingang si alyas Jessie ang iyang kalabaw, baka, baboy og uban pa, aron lang ma-invest sa Asia nga gimugna ni Ryan Flores.
Human nga wala na makita pa ang school principal sa ilang lugar nga maoy nagsilbi nilang lider, dili na magtingog-tingog pa si Jessie og dili na ma-istorya.
Dako na lamang ang ilang kakurat dihang nakita nila kining nagdaro og nagtuna sa iyang tsinelas nga gihiktan niya og pisi inay nga ang na-andan untang kabaw.
