BUTUAN CITY – Personal nga gipasidunggan ni PBGen Christopher Abrahano, regional director sa Police Regional Office kon PRO-13, ang tulo ka mga pulis nga sakop sa Bunawan Municipal Police Station sa lungsod sa Bunawan, Agusan del Sur nga na-angol human gipangdunggab sa nagmaoy nga mag-uumang ilang girespondihan.
Kini pinaagi sa pagtunol kanila og Medalya ng Sugatang Magiting dayong hatag og financial assistance dihang giduaw niya sila sa Valentina Galido Plaza Memorial Hospital kaganinang buntag, Mayo 29.
Madumdumang ang maong mga pulis, parehong nanga-agol dihang miresponde sa report kalabot sa nagmaoy nga residente sa Sitio Guitas, Barangay Bunawan Brook, lungsod sa Bunawan.
Sigon ni PMajor Jennifer Ometer, tigpamaba sa PRO-13, gi-atake gilayon sa nagmaoy nga si alyas Arman ang miresponding mga pulis didto sa ilang panimalay gamit ang kutsilyo.
Naila ang mga biktimang sila PMSgt Frank Ayop Cercado kinsa nadunggaban sa iyang wala nga ilok ug si PCpl Rysan Dalayap kinsa naka-angkon og samad dinunggaban sa walang bukton.
Samtang ang ikatulong pulis nga miresponde na-angol usab sa iyang walang kamot apan bisan pa man sa ilang nadangatan, ila gihapong nasikop ang suspetsado kinsa gikasuhan na og direct assault upon persons in authority.
