BUTUAN CITY – Hugot nga gikondena sa Agusan del Norte Police Provincial Office sa pagpanguna ni Police COL. RAMIR PERLITO P PERLAS, Provincial Director, ang teroristang binuhatan sa gitoohang New People’s Army kon NPA human laing inosente na usab ang ilang gipusil-patay kagahapon sa alas 12:00 sa udto sa Sitio Malinhawod, San Antonio , RTR, Agusan del Norte.
Gitoohang ang Communist Terrorist Group nga Guirella front 21C sa panguna ni AKA Warren ang mipusil sa biktima nga si Jerald Mandang Camarenes , 37-anyos, dunay kapuyo, mag-uuma og residente sa Purok 1, Brgy. San Antonio, sakop sa maong barangay.
Sa dihang nadawat ang impormasyon, ang mga ginsakpan sa RTR Municipal Police Station gelayong naglunsad og imbestigasyon sa pakig-alayon sa 65th IB, 29IB sa Philippine Army og barangay officials aron maberipika ang taho.
Nasuta sa inisyal nga imbestigasyon nga adiser pa ang panghitabo, ang biktima kauban ang mga nakasaksi nanglaba sa suba.
Pipila ka minuto ang milabay, kalit nga mitunga ang unom ka mga armadong kalalakin-an og sa walay paglangay gipusil sa makadaghang higayon ang biktima gamit ang AK-47 rifle nga mi-igo sa ulo og nagkadaiyang parte sa lawas.
Naka-ikyas ang mga kaubanan sa biktima sa maong insedente samtang ang mga suspetsado, misibat ngadto sa wala matinong direkisyun.
