BUTUAN CITY – Tingkagol sa karsel ang mag live partner kinsa nag atubang sa kasong Syndicated Estafa sa gilusad nga operasyon sa PRO 13. Pinaagi sa hiniusang operasyon sa Butuan City Police Office, City Intelligence Branch sa pagpanguna ni PCMS Helario Pagalo, Jr og personahe sa Butuan City Police Station 2, naaresto pasado alas 11 sa gabie niadtong December 27, 2019 sa Purok-6, Barangay 23-Holy Redeemer, Butuan City.
Nasikop ang suspek nga nailang sila Ivonne Degorio Dela Cruz o mas nailang Lovely Dela Cruz, 32 anyos, dalaga og residente sa nahisgutang lugar og iyang live in partner Ryan Saguran Pal, 31 anyos ulitawo kinsa parehong nag atubang sa kasong estafa.
Naaresto ang duruha pinaagi sa warrant of arrest nga gi isyu ni Hon. Judge Fernando R Fudalan, Jr, Acting Presiding Judge of Regional Trial Court (RTC), Branch 7, Bayugan City, Agusan del Sur dated last December 20, 2019 diin walay girekomendang pyansa. Sa karon gikustodiya sa Butuan City Police Station 2 ang duruha og gikatakdang I turn over sa issuing court alang sa tukmang disposisyon.
