BUTUAN CITY – Shock ang mga silingan sa mag-livein partner sa Lansang Village sa Brgy. Lagao, General Santos City human sila napalgan nga pareho nang wala’y kinabuhi kagahapon ug parehong duna’y mga samad-dinunggaban sa lawas.
Sigon sa mga silingan, nadunggan pa nilang nag-away ang mga biktimang sila Rebecca Campon, taga-Datal Batong, lungsod sa Malungon, Sarangani Province, ug iyang partner nga si Reymond Pagtulon-an, usa ka mekaniko gikan sa Lanao del Sur.
Nasayran nga kanunay na matud pang mag-away ang duha tungod sa ilang relasyon ug dihang nahilom na sila ug wala na’y mutubag sa tawag sa ilang mga silingan, dinhi na gisulod ang ilang balay kondiin nakita silang naligo na sa ilang kaugalingong dugo ug pareho nang patay.
Gipahiluna na sa kabanay sa mga biktima ang ilang mga patay’ng lawas sa usa ka punerarya.
