BUTUAN CITY – Mitambong sa pinaka-unang higayon ang partner ni kanhi Pangulong Rodrigo Duterte nga si Honeylet Avanceña ug anak nilang si Kitty sa campaign rally sa PDP Laban sa Quezon City.
Nanawagan si Avanceña nga dapat mupili og mga lider nga ilahi ang personal interest sa interest sa publiko.
Gipa-ambit usab niini ang iyang gibati niadtong gi-aresto ang kanhi pangulo tungod sa kasong crime against humanity sa International Criminal Court niadtong Marso.
Sa panig usab ni Kitty, iyang gipadayag ang iyang kadismaya dihang gidagit matud pa sa administrasyon ang iyang amahan gikan kanila.
Dismayado siya tungod kay mas gitutukan pa sa administrasyon ang pagdaut sa ilang pamilya, inay nga unahon unta pagsulbad ang problema sa kakabus ug ang kurapsyon.
