BUTUAN CITY – Naluwas kaganina sa mga pulis sulod mismo sa Kingdom of Jesus Christ (KOJC) compound sa Davao City ang inahan ug iyang anak nga lalaki nga gika-ingong biktima matud pa sa human trafficking.
Natigayon kini sa nagpadayong police operation aron i-serve ang arrest warrant batuk kang Pastor Apollo Quiboloy.
Ang mga sakop sa Philippine National Police- Women and Children’s Protection Desk ug sa Department of Social Welfare and Development (DSWD) Region-11 ang mihimo sa rescue operation.
Sigon ni Police Regional Office (PRO) 11 spokesperson Police Major Catherine dela Rey, gihimo ang operasyon base sa ilang nadawat nga reklamo kalabot sa matud pa, trafficking-in-person ug ang mga biktima, gidala na sa buhatan sa DSWD-Region 11 alang sa interogasyon.
