BUTUAN CITY – Padayon pang gi-imbestigahan sa kapulisan sa Cotabato City ang duguong pagpamusil nga mikalas sa mabdos nga babayeng si Jacquelyn Bendijo Petiza, 28-anyos, residente sa Barangay Macaguiling, Sultan Kudarat, Maguindanao del Norte.
Sigon ni Station 2 Commander PCapt. Teofisto Ferrer Jr., nagbaktas lang ang biktima dihang gipusil kini og kalit sa wala pa mailang gunman sa may Melendrez Street, Barangay Rosary Heights 10, Cotabato City.
Igo sa ulo ang hinungdan sa iyang hinanaling kamatayon samtang narekober sa dapit nga nahitabuanang usa ka bala sa .9mm pistol nga gitu-uhang maoy gigamit pagpusil sa biktima.
Usa sa gilantaw nga anggulo sa kapulisan nga motibo sa maong kremin ang love triangle.
Nakakuhana usab ang kapulisan og CCTV footage sa dapit nga nahitabuan nga gila-umang makatabang kanila pagtumbok sa suspetsado.
