BUTUAN CITY – Gitoohang nakatulog tungod sa kakapoy sa trabaho rasong nahulog sa jeep ang usa ka mabdos nga miresulta sa kamatayon niini sa Sitio Capareda, Barangay Acmonan, Tupi South Cotabato.
Nailhan ang biktima nga si Jamaica Payat, 23-anyos, nga upat ka buwan nga mabdos ug residente sa Barangay. Tamban, Malungon, Sarangani.
Sumala pa sa impormasyon, pauli na gikan sa gitrabahoang plantasyon ang biktima og samtang sakay sa Jeep nga maoy maghatud og sundo kanila nga trabahante, nahulog kini og gitoohang nabunal ang ulo tungod sa dakong samad.
Kauban pa niadto sa biktima ang iyang bana diin gibadlong pa siya nga mobalhin og lingkod kay basin mahulog. Layu na matud pa ang biktima sa dihang nasayrang nahulog na kini og gidala sa ospital apan nakabsan gihapon kini sa hinulamang kinabuhi.
