BUTUAN CITY – Naglusad ang Bureau of Customs (BOC) og high-profile operation sa pinuy-anan ni Sarah Discaya, usa ka top government contractor sa Pasig City human ang pagdungog sa Senate Blue Ribbon Committee kagahapon kondiin gi-angkon ni Discaya nga 28 ka mga luxury cars ang gipanag-iyahan sa ilang pamilya samtang siyam usab ang ilang mga construction firms nga nakakuha og bilyunes pisos nga public contracts.
Unang gi-serve sa BOC ang search warrant sa makaduha ka higayon kagabii apan wala sila pasudla sa propiedad sa mga Discaya ug kaganinang buntag, malampuson nilang nasulod ang compound kondiin duha lang sa 12 ka mga luxury vehicles nga nalista sa warrant ang ilang narekober ug kini mao ang usa ka Land Cruiser ug usa ka Maserati.
Ang ubang mga sakyanan, wala makita sa premises rason nga dayong pangutana karon kung asa kini gipamutang ug asa ang mga importation records niini.
Ang maong operasyon k,abahin sa mas gipalampdang imbestigasyon kalabot sa kurapsyon sa mga flood control projects ug posibleng smuggling o kaha misdeclaration sa mga luxury vehicles.
Una nang gipadayag sa BOC nga komitido sila pagpatuman sa Customs Modernization and Tariff Act ug nakig-alayon usab matud pa sa imbestigasyon sa Senado.
Hugot nga gipanghimakak ni Discaya ug sa iyang banang si Curlee, nga duna sila’y dautang b inuhatan taliwa nga ang ilang mga kompanya, gikutay ngadto sa balorr ₱100 billion nga kantidad sa flood control contracts sa nakalabay’ng tulo ka mga tuig.
