BUTUAN CITY – Gipahugtan karon sa kapulisan sa tibook rehiyun sa Caraga ang ilang kampanya batok na sa mga gi-Ban nga pabuto aron masigurong luwas ang katawhan karon Pasko.
Sumala ni Police Regional Director CSupt Rolando Felix wala pay pagkompiska nga ilang gibuhat bisan paman nga gihaugtan ang ilang pagpanginspeksyun.
Lakip sa mga pabuton nga giBan sa PNP gilangkuban sa Lolo Thunder, Bawang (large), Pla-Pla, Piccolo, Atomic Bomb, Og, Watusi, Kwiton, Giant Whistle, Judas belt (large), Goodbye Philippines, Kabasi, Colombia, Coke in Can o Aldub ug uban pangpabuto nga labaw sa 0.2 grams o kaha 1/3 nga kutsarita sa eksplosibo.
Dugang pa ni CSupt Felix as of December 22, 50 ka mga retailers permit ang natugutan sa Regional Firearms and Explosives Security and Guard Supervision (FESAGS) – Agusan del Sur-39; Agusan del Norte – 3; BUtuan City – 5;tag usa sa Dinagat Island province, Surigao del Norte ug Sur.
Kini usa sa mga paningkamot sa kagamhanan nga muminus ang mga mabiktima sa pabuto.
