BUTUAN CITY – Gipasiguro ni Pangulong Ferdinand Bongbong Marcos Jr. sa mga concerned agencies ang luwas nga biyahe sa mga Pilipino karong semana Santa.
Sumala ni Palace Press Officer Undersecretary Claire Castro, gitahasan ni Pangulong Marcos ang Department of Transportation ingon man ang mga attached agencies niini nga pakusgon ang ilang monitoring atol sa Holy Week Exodus.
Sumala sa opisyal, gusto matud pa sa presidente nga mahimong komportable ug luwas ang mga manguli sa ilang matag-probinsya rason nga lauman na usab ang hugot nga seguridad sa mga pier, airports ug mga terminals.
Lakip usab sa gipasiguro sa presidente nga dili malangan ang operasyon sa mga major thoroughfares sa Pilipinas tungod kay lauman na ang pagdagsa sa mga pasahero.
Dugang niini, gipaniguro sa Palasyo nga padayon matud pa ang trabaho sa mga law enforcement agencies bisan og Holy Week. Kini tungod kay dili matud pa dapat matulog ang maong mga ahensya arun masiguro ang kaluwasan sa publiko.
Ang pamahayag ni Palace Press Officer Under Secretary Claire Castro. Samtang, gipaalerto na usab sa Presidente ang mga security sectors arun malikayan ang mga untoward incidents karong Semana Santa.
