Lungsod sa Malimono, Surigao del Norte, gitay-og sa 2 ka linog kagabii

BUTUAN CITY – Wala mitala og kadaut og casualty ang duha ka linog nga mitay-og sa lungsod sa Molimono, lalawigan sa Surigao del Norte kagabii.

Sigon sa Philippine Institute of Volcanology and Seismology kon Phivolcs-Surigao City, gitay-og sa magnitude 3.3 nga linog pasado alas-6:13 kagabii ang maong lungsod kondiin ang epicenter nasubay sa gilay-ong 22-kilometros sa amihanang kasadpan sa maong lungsod.

Gisundan kini pagka-alas-6:31 gihapon kagabii kansang epicenter nasigpatan sa gilay-ong 15 kilometers sa amihanang kasadpan sa susamang lungsod nga duna’y giladmong 8 kilometros.

Ang duha ka linog nga parehong tectonic ang gigikanan , gila-umang dili na masundan pa og aftershock. (Beth Ruiz)