BUTUAN CITY – Nakalatag na ang mga plano sa pagpahapsay sa dagan sa trapiko may kalabutan sa taas nga selebrasyon sa Balanghai Festival, alayon na sa kapistahan ning siyudad sa Butuan.
Nasayrang karung adlawa ang kick off ceremony sa maong kasaulogan diin dunay mahitabong parada ngadto na sa Libertad Sports Complex.
Sigon ni P/Chief Insp. Peter Paul Manatad, Hepe sa Land Transportation and Traffic Management Office kon LTTMO–Butuan, nag-gahin sila ug mga lugar nga kaplastaran sa mga sakyanan sa molambigit sa kalihukan.
Ang 4 wheels nga mga sakyanan, e-parking sa may Bonbon Road, likod sa sports complex samtang ang mga single motor, sa dalan didto sa likod sa Sto. Niño Church. Dunay mga lugar usab diin pwedeng makapasakay ug makapakanaog ug mga pasahero.
Samtang ang kapulisan, andam usab sa maong selebrasyon.
Pagbutyag pa ni Caraga Police director Chief Supt Rolando Felix, ipatuman ang hugot nga seguridad sa Balangay Festival 2017 pinaagi sa 200 ka mga pulis nga gi-deploy gawas pa sa kasundaluhan ug force multipliers.
Mi-apela nalang ang opisyal sa tanang katawhan nga ipaabot gelayon sa otoridad ang bisan unsang mamatikdang kadudahang lihok.
