BUTUAN CITY – Gihukman og duha ka tuig nga pagkabilanggo sa korte sa Bangladesh si Labour parliament member ug kanhi treasury minister sa London nga Tulip Siddiq human ang pagtaral kaniya taliwa sa wala niya pagtambong uban sa lain pang 16 ka mga indibidwal tungod sa alegasyong kurapsyon.
Nahukman siyang guilty sa pag-impluwensya sa iyang iyaan nga mao ang gipalagpot sa prime minister sa Bagladesh nga si Sheikh Hasina, pagkuha og usa ka plot sa yuta alang sa iyang pamilya sa capital Dhaka, kansa hugtanon niyang gipanghimakak.
Si Siddiq, nga nakabase sa London, gila-umang dili makaserbisyo sa maong sentensya. Ang kasamtang magbabalaud alang sa Hampstead and Highgate, padayong nag-atubang og ubay-ubay nga mga kaso sa Bangladesh.
Nasayrang sukad nahagba ang rehimeng Hasina, paspas ang mga prosecutors sa Bangladesh pagpasaka og mga legal cases batuk sa kanhi lider uban sa iyang mga kanhi saligando ingon man mga membro sa iyang pamilya.
Ang pagtaral kang Siddiq kinsa miluwat sa katungdanan sukad niadtong Enero ning tuiga, nagkutay sa iyang kalambigitan sa iyang iyaan kins amigawas na sa Dhaka sukad pa niadtong Agusto.
