BUTUAN CITY – Mipadayag ug pagpasalamat si 23IB Commanding Officer Lt. Col. Francisco Molina Jr. sa mga residente sa munisipyo sa Carmen, Agusan Del Norte nga mihatag ug impormasyon ngadto sa otoridad hinungdang na-aresto ang kumander sa NPA.
Mahinumdumang nasikop ang top 1 most wanted New People’s Army kon NPA sa Agusan del Norte niadtong buntag sa Disyembre 30, 2018 sa Barangay Tagcatong sa maong lungsod.
Naila ang nadakpan nga si Juoquin A. Madriñan Jr. alias Alto/Jun-Jun kansa nalista isip top 2 sa mga criminal sa probinsiya.
Nasikop kini sa hiniusang puwersa sa 23rd Infantry Battalion ilalom sa operational control sa 402nd Infantry Brigade, Provincial Police Office sa Agusan del Norte, 1st Agusan del Norte Provincial Mobile Force Company ug Criminal Investigation and Detection Group-13.
Ang nadakpan ang gitoohang intelligence officer sa Sub-Regional Committee WANAS sa North Central Mindanao Regional Committee ug kasamtangang commanding officer sa Special Partisan Armed Revolutionary Unit kon SPARU sa NPA ning rehiyon sa CARAGA.
Atol sa pag-aresto, nakumpiska sa posisyon niini ang usa ka unit sa kalibre 45 nga pistola nga dunay magazine ug 22 ka buhing bala, isa ka hand grenade; og sling bag. Gisikop kini pinaagi sa warrant of arrest tungod sa mga kasongl murder ug arson.
